1989年4月7日，為黨外運動雜誌撰寫文章，全面支持台灣民主化、百分百言論自由、公佈二二八事件真兇的思想家鄭南榕，在侯友宜準備因涉嫌叛亂、鼓吹台獨等多起案件將他圍捕時，他卻在總編輯室引爆汽油彈自焚身亡，留下許多遺憾。31年後，言論自由就像呼吸一樣自然的存在，鄭南榕自焚的日子，也已經變成台灣的言論自由紀念日，不過台灣距離鄭南榕心中懷抱的新國家仍很遙遠。對此，鄭南榕基金會在言論自由日發出聲明，思念南榕的同時，別忘了台灣要成為好國好民的「新國家」。

以下是鄭南榕基金會聲明全文「為自由日為自由之路；為台灣為一個新國家 」:

予人刻骨銘心的四月初七，又擱到囉。對一九八九年的這一工，到今年，已經三十一年。這嘛是台灣自由之路經歷的里程，佇每一个感念伊的人、心中的痛、敬佩疼惜。

多年來，這一工，咱攏聚集佇金山自由之翼紀念墓園，作伙來追思。歷屆台灣總統嘛會來合大家共同紀念伊，紀念這個日子。國家言論自由日的制訂，嘛是蔡總統佇紀念、追思的場合，宣布予大家知影，而且已經實施真濟年。這幾年，佇這個時瞬，咱嘛配合佇台灣真濟所在，舉辦自由之路藝術節。自由是南榕予台灣社會尚重要的啟示。自由之路追尋台灣民主化，建立一個獨立的正常國家。

舊年的四月初七，咱作伙佇這為前一年，二O一八年的地方選舉、民主倒退亂象，互相鼓勵打拼。予咱感覺安慰的，是今年（二O二O）年初，總統大選以及國會改選的全面勝利，穩住台灣佇自由之路繼續發展未真正完成的政治之業。生活佇台灣的每一個對自由、民主有夢想的人，咱得珍惜咱打拼追求的一切，共同繼續守護咱的國家。

因為發生武漢肺炎的中國病毒嚴重事況，今年的四月初七，咱無佇墓園舉辦大型紀念、追思活動，配合政府的防疫。相信大家佇這一工，佇不同的所在，嘛會思念南榕，感念伊的犧牲精神，感懷伊的大義。自由的風吹佇台灣的每一個所在，佇每一個有台灣心的人的心內。

台灣佇這擺的防疫，表現出予世界呵咾的成就。同時，台灣人的國家認同也達到新的高度。相對強國、歹國，台灣雖然無大，但是是好國，會予人感覺幸福。南榕生前，就講小國、好國這款觀念佮價值，相信經歷這擺疫情，大家愈會體認伊的信念。這嘛是嘛要繼續打拼、追求的國家目標。

祝福大家。願南榕在天之靈繼續守護咱的國度。願咱的國家——台灣，因每一個國民的共同努力，愈進步愈健全，公理和正義愈會當彰顯。